Page:Castets - La Chanson des quatre fils Aymon, 1909.djvu/594

566

les quatre fils aymon

9560Quant Charlemaignes l’ot, si dreça le menton :
« Paumier, est çou donc voir que si t’atorna l’on ? »
« Oïl, ce dist Maugis, si m’aïst saint Simon. »
« Paumier, ce dist li rois, comment as tu à nom ? »
« Sire, ce dist li leres, on m’apele Sanson,^[1]
9565Et sui nés de Bretaigne, durement sui frans hon.
A vos me vieng clamer, que justice en aiom ».
« N’en puis mais, ce dist Charles, car nés ai en prison.
Certes, se jes tenoie, avoir ne raençon
Ne lor seroit garans que nes pendisse tous. »
9570« Je n’en aurai ja droit, dist Maugis li larron.
Dex m’en achat venjance qui vint à passion.
Puisque si est alé que tot perdu avom,
De vostre carité, por Deu, vos demendom. »
« Sire, dient François, il nos samble preudom.
9575Ves quel cors et quels membres, quel piz et quel façon.^[2]
Car li dones [del] vostre, et nos vos en priom. »^[3]
« Volentiers, dist li rois, grant pitié en avom. »
.xxx. livres li fait donner de deniers bons,^[4]
Et Maugis les a mis dedans son chaperon ;
9580Puis dist entre ses dens, que ne l’entendi hon :
« Deniers m’aves doné, je vos tieng à briçon.
Molt chier les vos vendrai, ains que nos departon. »^[5]
« Paumiers, ce dist li rois, va t en là jus el borc.
Si t’i fai aaisier, car tu en as beson.
9585Si me samble de toi, ja ne verras tiers jor.
Trametrai toi mes mires qui bien te gariront.
Se tu dois respasser, il te donront poison. »
« Sire, ce dist Maugis, baisies vostre raison.
Tant par sui orendroit de mon mal angoisous,
9590Ne movroie le pié por nul avoir del mont.
Retenes vos deniers, ja mestier ne m’auront ;
A mangier me dones, por Deu et por son nom.

1. 9564 M Guedon. L Metz : Sanson.
2. 9575 M Veez quel cors, quel vis, quiex bras et quel menton. Metz : Ves quel cors et ques membres, quel vis et quel menton.
3. 9576 L des. M du vostre. Metz : del.
4. 9578 M Metz : de bons mangons.
5. 9582 Ce vers manque à Metz, qui, au vers suivant, a : le vos rendrai.