Page:Castets - La Chanson des quatre fils Aymon, 1909.djvu/600

572

les quatre fils aymon

« Sire, dist Richardes, parles .i. poi à moi.^[1]
9740Miels vo venist avoir mors en vo petit doi
Que fussies si hardis que vos me pandissois,
Se Dex garist Renaut où je me fi et croi,
Aallart le vaillant, et Guichart le cortois
Et Maugis le larron qui miels vaut de .iii. rois. »
M 257 9745« Miels vaut, dist Charlemaignes, certes, Maugis, de toi,
Certes plus dout je lui que home qui vis soit.
Kar pleüst ore à Deu qui haut siet et loing voit,
Que il fust ores ci en cest tref devant moi :
Orendroit le pandroie, Richart, dejoste toi. »
9750Et Richars se regarde : derriere .i. palefroi,^[2]
Si a veü Maugis à son caperon noir,
Il le regarda bien, s’enbroncha .iiii. fois,
Et dist entre ses dens, que nus ne l’entendoit :
« Ahi ! cousin Maugis, com aves le cuer noir !^[3]
9755Cil sires vos garisse, qui haut siet et loing voit.
En tante grande paine aves esté por moi. »
Et Maugis li cena belement en recoi,^[4]
Que demendast [Charlon] que il fera de soi.^[5]
« Sire, drois empereres, dist Richars li cortois,
9760Voirement m’aves pris, certes çou poise moi.
Por amor Deu, biau sire, que feres vos de moi ?
Donc n’en prendries vos raençon ne avoir ?  »^[6]
« Naie, dist Charlemaignes, si m’aïst Dex et Fois. »
« Donc me dones respit .xv. jors ou .i. mois,
9765Tant quel sache Aallars et Renaus li cortois. »
« Non ferai, ce dist Charles, par la foi que Deu doi.
Ençois seres pendus ains que li vespres soit. »
« Charles, où sera çou ? por Deu, dites le moi. »
« Au puis de Montfaucon, ce dist Charles li rois,

1. 9739 M parlez .i. poi plus cois.
2. 9750 M derriere .i. berfroi.
3. 9754 M le cuer vrai. Cela répond à une leçon voir. D’autre part l’expression le cuer noir est d’usage courant.
4. 9757 B cluigna. M clugna.
5. 9758 L Maugis. M B Charlon.
6. 9762 Manque à B M.