Page:Castets - La Chanson des quatre fils Aymon, 1909.djvu/603

575

les quatre fils aymon

Quant Aallars le voit et Guichars au poil blont,
« Que aves vos ? font il, Renaut, dites le nous. »
« Traïtor, dist Renaus, Dex vos confonde tous.
Tolu m’aves Richart, mon meillor compaignon ;
9795Bien l’eüsse rescous ençois le paveillons ;
Mais vos ne me laisastes, jamais ne le verrons.
Je voi venir Maugis tou[t] seul, sens compaignon.^[1]
Onques mais ne failli Maugis à nul de nous,
Tant fussom enfermé en parfonde prison. »
9800Quant Aallars l’oït, si chiet à genoillons^[2]
Et Guichars et la dame et li dui enfançon.^[3]
Or enforce il dels el palais contremont.^[4]
Atant es vos Maugis les degrés à bandon.^[5]
Quant le vit Aallars, si l’a mis à raison ;
9805Et Renaus li escrie, li fius au viel Aymon :^[6]
« Qu’as-tu fait de mon frere, Richardet l’orgueillos ?^[7]
Maugis, je te demant se il est vis ou non. »^[8]
Et Maugis li a dit .iii. mos en retraçon :^[9]
« Je ai ci .xxx. livres que me dona Charlon ;
9810Ses metrai à usure, si i gaaigneron.^[10]
Ains .iiii. ans serons riche, se nos eür avon,^[11]
Ja n’aions nos del vostre vaillant .i. porion ;
Si nos garrons nos bien del porchas que feron.
Truant ont bone vie, jamais ne la lairon. »
9815Comme Renaus l’oï, à poi que il ne font.
Il s’abaisa aval, si a pris .i. baston,^[12]

1. 9797 L. tou.
2. 9800 manque à B, M sur le perron.
3. 9801 manque à B. M Et Guichart ensement qui ot à cuer doulour.
4. 9802 M manque.
5. 9803 M tous les degrés amont.
6. 9805 M hautement à cler ton.
7. 9806 M Où as guerpi mon frere R. le fix Aymon ? B Mar guerpesis mon frere Richart le fil Aymon.
8. 9807 M B manque.
9. 9808 M .iiii. mos de randon. B par contraleison.
10. 9810 M Les metroi as esches (sic) orendroit à bandon.
11. 9811-9812 B M manquent.
12. 9816 B Manque.