Page:Castets - La Chanson des quatre fils Aymon, 1909.djvu/642

614

les quatre fils aymon

Là ot tante hante traite, tant escu à lion,
Et tant bon chevalier abatu de l’arçon.
Tant i fierent et chaplent, n’est se merveille non.
10865Molt en i ot ocis et navrés à fuison ;
N’en sauroie pas nombre n’en escrist nel trovon,
Et d’une part et d’autre i avoit maint baron.
« Hé Dex ! ce dist Renaus, biaus peres glorious,
Con somes malbailli del soleil qu’est escons !
10870S’il fust .i. poi de jor, auques nos vengisson ;
Bien petit en ralast des gens au roi Charlon. »^[1]
Renaus crie Montauban clerement à haut ton^[2]
Et lait corre Baiart ki li cort de randon.
Aalars crie s’ensaigne et Guichars Balençon^[3]
10875Et Richars li mains nés si escrie Dordon.
Là ot fiere bataille et fiere chaplison,
Tant i fierent ensamble, n’est se merveille non.
Es vos le roi de France brochant à esperon,
Et encontre Renaut, le fil au [v]iel Aymon.^[4]
10880Les chevaus laisent corre à force et à bandon,
Ne se conoisent mie, entreferir se vont,
Les escus ont perciés qui sunt paint à lion,
Et rompent les haubers qui furent fremillon.
Il s’empaintrent à force et par ruiste vigor,
10885Les ceincles sunt rompues et brisié li arçon
Que par desus les crupes des destriers arragons,
M 287Toutes plaines lor lances s’abatent el sablon.

1. 10871 Au lieu de ce vers, A donne un développement pieux :

   Gloriex sire peres, qui formas tot le mont
   Et en la sainte croiz soffritez passion,
   Et suscitas de mort le cors saint Lazaron,
   Si feiz à Marie Magdalene pardon,
   Si com c’est voirs, biaz sire, et nous bien le creons,
   Si gariz hui mon corps de mort et de prison
   Et mes frerez toz .iii. et Mangis le baron.
   Lors lait corre Baiart, si encontre Charlon.

   Par contre il a résumé en trois vers le combat de Sanson dont il ne sait que le prénom, et il omet la prise de Huon du Mans.

2. 10872 Vers faux : crie s’ensaigne ?
3. 10874 Même remarque que pour le v. 10858.
4. 10879 L auriel Aymon.