Page:Castets - La Chanson des quatre fils Aymon, 1909.djvu/696

Le texte de cette page a été corrigé et est conforme au fac-similé.

668

les quatre fils aymon

« Par foi, ce dist Maugis, donc le m’afieres,
Que vos ne tot vo freres ja mal ne li feres. »
O il vœllent ou non, lor a fait afier ;
12570Tot .iiii. [en a] les contes enz el palais menez ;^[1]
Puis lor mostre Charlon qui se dormoit soef.
« Renaut, où estes vos ? dist Maugis, çà venes.
Vez ci le roi de France qui tant vos a penés. »
« Cosin, ce dist Renaus, Dex en soit aorés.
12575Onques li vos paraus ne fu el mont trovés. »
« Seignor, ce dist Maugis, or pensez del garder,
Car il est huimais tans, saçois, de reposer. »
« Sire, ce dist Renaus, or aves bien parlé. »
Or s’en torna Maugis, s’avala les degrés.
12580Venus est à l’estable, s’a Baiart desselé ;
A Jhesu le commande, si commence à plorer ;

↑ 12570 L Toz .iiii. les contes. B Tout .iiii. en sunt li frere aveuc Maugis alé. Michelant a bien corrigé en a d’après C, non d’après B. — Voici comment ce passage est conservé dans le ms. de Venise :

Maugis vint a Renaut, si l’a areisonez.
Que doriez celui, dist Maugis li faez,
Qui vos rendroit Karlon le fort roi coronez ?
Par foi ; ce dist Renaus, ne sauroit demander
5Que je ne li donnasse voluntiers et de grez.
Par foi, ce dist Maugis, e vos m’afierez
Que vos ne toz vos freres ja mal ne li ferez.
Puis le mena à Karle, s’a Renaut apellez.
Veez ici le rois, le gentil coronez.
10Or pensez entre vos que il soit bien gardez.
Maugis vint à l’estable, s’a Baiart establez.
A Dieu le commanda, si a des elz plorez.
Puis a pris une esclepe et son bordon ferez.
Il ne volt pas que Karles fust à lui aïrez.
15Venuz est au portier, del suen li a donnez,
Puis aqueut un sentier, si s’est acheminez.
Qant Renaus le saura, sin iert en tel pensez
Que il nel vousist mie por .xiiii. citez.

L’on peut supposer que le poème s’arrêtait d’abord ici par la réconciliation de Charles et des Fils Aymon ; Maugis disparaît de l’action et tout semble aussi bien préparé qu’à la fin du siège de Trémoigne pour amener une entente entre Renaud et le roi. L’influence de Roland, de Naymon, de Turpin et d’Ogier, ne pouvait trouver des circonstances plus favorables. Mais le problème est plus complexe qu’il ne paraît tout d’abord.

[1] 12570 L Toz .iiii. les contes. B Tout .iiii. en sunt li frere aveuc Maugis alé. Michelant a bien corrigé en a d’après C, non d’après B. — Voici comment ce passage est conservé dans le ms. de Venise :

Maugis vint a Renaut, si l’a areisonez.
Que doriez celui, dist Maugis li faez,
Qui vos rendroit Karlon le fort roi coronez ?
Par foi ; ce dist Renaus, ne sauroit demander
5Que je ne li donnasse voluntiers et de grez.
Par foi, ce dist Maugis, e vos m’afierez
Que vos ne toz vos freres ja mal ne li ferez.
Puis le mena à Karle, s’a Renaut apellez.
Veez ici le rois, le gentil coronez.
10Or pensez entre vos que il soit bien gardez.
Maugis vint à l’estable, s’a Baiart establez.
A Dieu le commanda, si a des elz plorez.
Puis a pris une esclepe et son bordon ferez.
Il ne volt pas que Karles fust à lui aïrez.
15Venuz est au portier, del suen li a donnez,
Puis aqueut un sentier, si s’est acheminez.
Qant Renaus le saura, sin iert en tel pensez
Que il nel vousist mie por .xiiii. citez.

L’on peut supposer que le poème s’arrêtait d’abord ici par la réconciliation de Charles et des Fils Aymon ; Maugis disparaît de l’action et tout semble aussi bien préparé qu’à la fin du siège de Trémoigne pour amener une entente entre Renaud et le roi. L’influence de Roland, de Naymon, de Turpin et d’Ogier, ne pouvait trouver des circonstances plus favorables. Mais le problème est plus complexe qu’il ne paraît tout d’abord.

[1]