Page:Castets - La Chanson des quatre fils Aymon, 1909.djvu/762

734

les quatre fils aymon

Et but de l’aigue froide, [dont il] a [molt] eüe.^[1]
Renaus lo regarda, à paines se remue :^[2]
« Dex ! qui est cist bonhom à la chape velue ?
Se il ne fust si maigres, par la Dame cremue,
14410Ge deïsse, ge cuit, ains la None venue,
C’est Maugis, nos cosin, don soffraite ai eüe ;
Mais il ne fera ja cele desconeüe ;^[3]
Ne mangüe fors pain et boit aigue pleüe. »

Renaus fu [à sa table], avec lui ses barons ;^[4]
M 379 14415Si mangüe petit, [vers] Maugis fu ambruns :^[5]
Mais li autre mangüent asseis et à foissons.
Apres mangier aportent l’egue tuit cil garçon ;
Li chevalier laverent, mais prime li baron.
Errant sont departi si com esmerillons,
14420Et vont par lor deffenses, si ont pris auquetons,
Et Renaus est rem[e]is, don parler devrions,^[6]
Et pensa de Maugis don il n’avoit respons.

Renaus parti del dois, envers Maugis s’avence ;
Et il le vit venir sans faire detriance ;
14425Adonc vait saillir sus, molt [i] mist sa puissance.^[7]
Quant Renaus l’a veü, tot droit vers lui s’avance :
« Frere, ne vos moves, vos feries enfance,
Que molt estes atains, fait aves penitance.
Je vos ai esgardei, bien sa[i] vo costenance ;^[8]
14430Or vos conjur de Dex où avez vo creance,
Se vos iestes Maugis que si faites semblance,
Que vos lo resambles à vostre contenance. »
Et Maugis s’escria, que n’i fist detriance :
« Sire, ce sui ge voir, mar an aies dotance.

1. 14406 L Et but de l’aigue froidre a eue. M Et but de la fontaine dont il a molt eüe. A hémistiche : et but de l’yaue drue. Je corrige comme Michelant.
2. 14407 Sic L A. M qui proesce remue qu’imprime Michelant.
3. 14412 M desconvenue.
4. 14414 Sic M. L Lenaus fu estable.
5. 14415 Sic M. L d’aus.
6. 14421 L remis. M remes dont parlé avion.
7. 14425 Sic L A. L manque i. Michelant d’après M : si a pris sa potence.
8. 14429 L sa.