Page:Castets - La Chanson des quatre fils Aymon, 1909.djvu/821

793

les quatre fils aymon

Dolant sont li baron, si en orent contraire,^[1]
Quant Renaus ne prent robe ou gris[e] o porpre o vaire ;^[2]
15745Mais il ne [le] feroit por rien [qu’on] poüt faire,^[3]
Si verra lo sepulcre et l’autre [saintuaire].^[4]
Icil jors lor passa et la nu[i]s lor repaire.^[5]
Quant sopé ont li prince et li duc debonaire,^[6]
Li bons contes de Raimes qui ot cler le viaire,^[7]
15750Apela Galerain que il vit vers lui traire,^[8]
Joffrois de Nazarel et lo visconte d’Aire.^[9]
« Baron, ce dist li cuens, or pensons de bien faire.^[10]
Je sai molt bien [de voir], si le vos doi retraire,^[11]
Diex nos a socorru, bien est drois qu’il i paire.^[12]
15755Faissomes hu[i]mais feste por lo Dex debonaire.^[13]
Si ait cascuns chandoile, que j’en fais asez faire. »^[14]
Quant li baron oïrent tel parole retraire,
Hautement escrierent : « Ce est molt bon à faire.»

Molt furent lié li prince, à .i. brut s’escrierent :^[15]

1. 15743 A mont lor torne à contraire.
2. 15744 L gris. A qui fut ou grise ou vaire. P qui soit grise ou soit vaire.
3. 15745 A manque. L ne feroit por rien quel. P ne le feroit por riens c’on seüst.
4. 15746 L sainte haire. A les dignez saintuairez. P et l’autre saintuaire.
5. 15747 L nus. A Li jors est trespassez et la nuit. P Li jors passa et la nuis.
6. 15748 A li prince ont soupé et li pers. P Quant sopé ont li prince debonaire.
7. 15749 A Li gentiz quens de Ramez que ci est debonnaire. P Li cuens de Rames qui avoit cler viaire.
8. 15750 A Deux vers en un : Apela Galeranz et Jofroi sans contraire P Galerant.
9. 15751 A manque. P Nazarez et le visconte Hilaire.
10. 15752 A li duz.
11. 15753 L bien de si. A manque. P le sai de voir, si ne m’en puis retraire.
12. 15754 A secourut, c est bien droit. P secorus, bien est drois.
13. 15755 L humais..... Dex. A huimais feste, c’il ne vous doit desplaire. P Or faisons feste por le duc debonaire.
14. 15756 A Chascuns aura chandoille, g’en ferai. P Et si face chascun de la chandoile faire.
15. 15759 A Deux vers en un : Mont furent liez li contes, les chandoilles allument (sic). P Lié sont li prince, à cest mot.