Page:Castets - La Chanson des quatre fils Aymon, 1909.djvu/832

804

les quatre fils aymon

15950Se j’avoie une lance d’un aduré sapin,
Je lo feroie ja sor l’auberc dobla[n]tin. »^[1]

Molt fu grans la bataille, Tur i firent maint plaint ;^[2]
Maugis i fiert d’aïr, ne s’i est mie faint.
[Cil qu’il ataint à cop, est tot de mort certain] ;^[3]
15955Il est mors et dampnés, ne s’i est mie faint.^[4]
Renaus s’i esvertue, lo jor an ocist maint.^[5]
.i. en fiert sor lo hiaume qui est à azur paint,
Deci que el viaire li a lo branc anpaint.
Icil i chaï mors qui n’i crie ne plaint.
15960Puis en feri .i. autre, sel fendi par lo çaint.^[6]
Lo tiers a si feru que il chaï ataint.
Donc cria Montalbain ! et en l’estor s’enpaint.
Quant l’amiralz l’oï, sol de crier lo vaint.
[Ariere] reüssa trestoz de dolor taint ;^[7]
15965Or voldroit estre en Perse là où ses avoir maint,
Montalbain l’a [conquis] et lo cuer li destraint ;^[8]
Bien set que est Renaus qui iqui devant vient.
Adonc torna arrieres, de l’estor est refraint.
Quant si home lo virent, de duel en sont [ataint].^[9]

15970Li amiralz s’enfuit, grans peors li est prisse,
Vers portesoires torne, plus que ne vente bisse.^[10]
Mais li bons cuens de Raimes [si] d’aïr les justisse^[11]
Qu’il n’i antrassent mie por tot l’avoir de Frise.
Quant l’amiraus l’oï que si estoit porprisse,

1. 15951 L doblatin. P doblentin.
2. 15952 P li Turc i font grant.
3. 15954 Sic A mauvaise rime. L manque. P manque ainsi que les deux suivants ; mais mors et dampnés ne peut être dit de Maugis.
4. 15955 A P manque. L répète au second hémistiche. Peut-être : en enfer est empaint.
5. 15956 P manque. Il attribue ainsi les faits de Renaud à Maugis.
6. 15960 L P çaint. A saint.
7. 15964 L à terre. A Il recula arrier. P Ariere recula.
8. 15966 L conchis. A P conquis,
9. 15969 L astaint. P ataint.
10. 15971 A plus tost que vent de bise. P granz dolors li est prise.
11. 15972 L et li conte d’aïr et les justisse. A si forment le justice. P icil qui les jostise.