Page:Castets - La Chanson des quatre fils Aymon, 1909.djvu/860

832

les quatre fils aymon

Ge vos comant à Deu qui son cor mist an vante,^[1]
Et si vos pri, biau sire, lassies vostre tormente ;
Si penses de bien faire, que maufes ne vos tente.
16580Par vos sont mort mil homme en la terre vaillante,
Por elx devons proier et avoir bone entente,^[2]
Que Dex en ait merci, les gete de tormente. »^[3]

Maugis part de Renaut et de sa compaignie,
Vers Montalbain retornent à lor grant signorie.
16585Et Maugis s’en ala tote une voie entie.
Il a tant esploitié par plain, par praarie,
Qu’il vint à l’ermitage que lassier ne volt mie.
Molt proie por Renaut et por sa gent mainie.
Cascuns jor dit ses horres et en bien s’umilie.
16590Ensinc i fu .vii. ans et mena bonne vie,^[4]
Ne vit home ne feme de la soe partie,^[5]
[A l’uitieme morut] à la Pasque florie.^[6]
La gent de la contrée qui n’est pas agastie,
L’ont enfoï à joie, [nus] n’i brait [ne] ne crie.^[7]

16595Maugis est trespassés qui ot vescu de gloire,^[8]
Ains Renaus ne sot mot ne nus hom [de s’estoire].^[9]
Dedens icel termine, ce nos fait l’en acroire,^[10]
Ot Aalarz pris femme, ce [fu parole voire] ;^[11]
Et Richars et Guichars qui orent bon mimoire,
16600Cascuns en ot prisse une, se lor estoire est voire.
Renaus lor dona terre en Gascoigne sor Loire.

1. 16577-16578 A deux vers en un : Por Damedieu vous pri, laissiez ceste tormente.
2. 16581 A que Diex merci lor rande. P Por elx devez.
3. 16582 P pitié et lor doint bone sente. L qui les gete.
4. 16590 A P sainte vie.
5. 16591 A P qui fu de sa partie.
6. 16592 L Au sepulcre en ala. A A l’uistime saintit. P A l’uitieme morut.
7. 16594 Sic P. L n’i ot brait ne crie. A afoït... nus n’i brait en sa vie.
8. 16595 A Maugis fu. P Trespassez est Maugis qui est en la Deu gloire.
9. 16596 A P n’en sot. L desfroire. P de s’estoire. A ne gens de son estoire. —

   Dans la version B C Maugis quitte Renaud dès leur arrivée en France pour retourner à son ermitage. V. texte de Michelant, p. 419, 2-30. Dans la Mort de Maugis l’on a les dernières aventures du fils de Beuves.

10. 16597 A signors, dedans ce tant. P ice termine, ice vos faz.
11. 16598 L répète : ce nos fait l’en acroire. Je suis P.