Sont arangié li clerc, bien les puet l’an veïr.
Droit par devant la fosse qu’an avoit fait d’aïr,
Fu toz pres l’arcevesques por lo cors recoillir,
[D’autre part li deens qu’à lui doit obeïr].[1]
Issi com il cuiderent lo saint cors enfoïr,
Li charres passa oltre, li cors ni volt gissir,
Parmi les clers passa, nus ne l’ossa saisir,
Droit à la maistre rue velt son chemin tenir.
Or s’en ala li cors, s’a coilli son viage.[2]
Quant li clergie lo virent, si muent lor corage ;
Sachiez, grant duel avoient tuit cil qui sont d’aage.
« Seignor, dist l’arcevesques, de ce sui ge toz sage.
C’est .i. sai[n]times cors et hom de grant parage,[3]
Ne viaut ci reposser, ains viaut quere autre ostage.
Por Dex, alom apres por veoir sen [estage].[4]
Par icel Damedex qui me fist à s’ymage,
Jamais ne finerai ne penrai herbergage
Devant que ge saurai ò penra son ostage. »
Don se sont esmeü li preudon et li sage,[5]
Chevalier et borjois laisserent lor mesnage
Et dames et puceles qui orent bon corage ;
Apres lo saint cors vont, laissent la cite large,
Li clergie vont avant qui orent doumesnage.[6]
Issi s’en va li cors, si issi de Coloigne,
Apres vont li borgois, chevalier et chernoine.
Li clergie vont chantant, cele fu lor esso[i]ne.
Et li sains cors s’en vait droitemens vers Tremoigne.
Lo jor erra .x. liues de greignors de Bergoigne.
Par deles une vile qui ot à nom [Ceoigne],[7]
- ↑ 18333 Pris de A qui écrit doiiens. C’est le doyen Tibaut. L B manque.
- ↑ 18338 L viage. A B voiage.
- ↑ 18342 L saitimes. B saintimez. Manque dans A qui abrège le reste de la laisse en cinq vers.
- ↑ 18344 Sic B. L ostage.
- ↑ 18348 A et li foz et li sage.
- ↑ 18352 Sic L. A Apres le char s’en va chantant ciz bon cleraige. B Apres le saint cors vont : li clergiez devant passe.
- ↑ 18358 L Coloigne. Mais l’on s’est éloigné de six grandes lieues de cette ville. — A donne sans doute dans cette laisse Coloigne la large, mais dans la suite,
