L’ame de vostre cors, fil à putain provée ».
Hé ! Dex, que n’est ci .Kls. de France la loée !
Encui eüsson tor et maisson recouvrée.
Or oiez que fist .B. belement, à celée.[1]
En .i. chambre entra, s’a sa broine endossée,
Et le heaume lacié et la targe [conrée][2]
Et a ceinte l’espée [à la langue] dorée.[3]
En la meslée entra sanz nule demorée.
Tant ocist de barons, saignors, con li agrée,[4]
Donc la terre fu puis essillie et gastée,
Tote Bretaigne et France en fu achaitivée.[5]
Et l’eve de Maience en fu ensanglantée,[6]
Klon. fu enchaucié, l’orriflambe levée,[7]
Assez pres de Paris à demie louée.
Ce fu el mois de mai, assez pres de l’entrée,
Que tel damage avint en la cité loée.
[Mont i ot] fort bataille et grant asamblement.[8]
Li roial furent pou et cil furent .viic.
Quer la commune vint mult aïréement,
La gent Klon. ocient à duel et à torment.
Li dus .B. d’Aygremont le va mult damageant.[9]
Lohier le filz Klon. ne se targe neant,
Fier[t] .i. parent le dus sor l’aume qui resplent,[10]
Desi que [es] espaulles le va tot porfendant,[11]
Mort l’avoit abatu, à la terre l’estent.
« Outre, dist il, cuvert, le cors Deu te gravent. »[12]
La perte du commencement est de 526 vers, à en juger par le texte du manuscrit de l’Arsenal, soit environ de 6 ou 7 feuillets. Le passage précède de très peu la mort de Lohier. Cf. L v. 639-688 (Michelant, p. 18,3—19,14).
La citation suivante, f. 107, recto, est d’après le texte de L, mais fort abrégé avec variantes, V. v. 11012—11084 (Michelant, p. 290, 12 ; — 292,8).
Il est passé avant, par les flans l’a covrez ;
En son col le charja, ja l’en eüst portez,
Quant Oliviers i vint et Rollans l’adurez
Et Torpin et dus Naymes et li autre barnez ;
Desi qu’à .Kllm. ne se sunt arestez.
D’autre part vint Guichars sor .i. destrier armez,
Maugis et Aalars et Richars li senez
A .iiii.c. Gascon[s] d’armes bien adoubez,
Et d’une part et d’autre i est grant cri levez.
- ↑ 28 Oies que Bueves fist à la chiere membrée. (M : Le duc Buef s’en torna coiement, à celée).
- ↑ 30 ms. dorée, A conrée.
- ↑ 31 quelques mots en partie effacés, lisible conrée. A langue d’or ouvrée.
- ↑ 33 Tant ocit de roiaus de France la loée (M : Tant en avoit ochis com au cuer li agrée).
- ↑ 35 Et puis en refu France et Bourgoigne.
- ↑ 36 quel’iaue. A ajoute : Et la bataille grant par mi lieu de la prée.
- ↑ 37 K. en fu chaciet.
- ↑ 41 mots illisibles ; pris de A.
- ↑ 45 i feroit et menu et souvent.
- ↑ 47 parmi l’elme luisant.
- ↑ 48 Deci jusques.
- ↑ 50 Damedé te crevant (M Damedieu te gravent).
