Que l’aloette chante douchement par douchour.
Au matin par son l’aube, que l’aloette chante,
Que li lourseignos cante et le mauvis descante,
Que Renaus se leva qui en Diu a s’entente,
La messe ala oïr que uns capelains cante.
Apres messe repairant le boine gent vaillande
Et atendirent l’eure qui lor vint moult pesande
Que lez assali Kalles qui mainte jour cravente.
Et quant le vit Renaus, à poi qu’il ne forsenne.
Dame Diu en jura et sa sainte puissance,
Qu’il ochirra Kallon l’empereour de France.
Renaud s’en repaira ariere en son palais
Qui fu viez et antieus et tous jonchiz de glai.
Renaus li fiex Aimon qui n’est mie mauvais,
A fait mander ses hommes par le cors S. Gervais,
Si l’on a donné armez et chevaus fors et bais
Dont il chevaucheront roy Kallemaine d’Ais.
« Seignor, chou dist li vesques, mar vous esmaierez
Pour le roy Kallemaine qui tant vous a grevé.
Je manderai mez homes environ et en lez. »
« Sire, che dist Renaus, .v.c. merchis et grez. »
Or vous lairai de chiaus qui sont asseüré,
Si dirons de Kallon le fort roy couronné,
Qui sist à Montauban, le palais principel.
L’empereur, étonné du silence qui règne sur Montauban, a donné l’assaut
et n’a trouvé personne. Il craint que les parents de Renaud ne lui aient
donné libre passage. Il menace de les pendre.
F 90 recto A :
Après ceste parole commencha à plourer.
Li quens Rollans ses niés le prist à conforter.
« Oncles, che dist Rollans, ne soies effraés,
Ves ichi son lignage qui tous est aprestez
De jurer sur [les] sains, se vous le commandez.
Que par ans ne s’en est dus Renaus escapez. »
« Rollant, dist l’empereres, Maugis y a esté.
Par son encantement me sont il escapé ;
Parmi l’ost s’en alerent, n’i furent avisé.
Dame Dix les confonde, li roys de maïsté,
Que maintez fois m’a il decheü et gabé. »
L’emperere de Franche se prist à dementer.
« Baron, dist l’emperere, bien me doi aïrer
Quant chil s’en sont alé que je ne poi amer.
Je quit que sez lignages l’en ait laissié aler,
