Chies ma mere en apris assez
Tant que sovent en fui lassez
Donc alons huimes al ostel
Fait li prosdom qui nia el
Et vos auroiz cui quil henuit
Lostel tot ？ anuit
Lors sen vont andui coste acoste
Et li vaslez dit ason oste
Sire ma mere menseïgna
Quavoc home nalasse ja
Ne conpaïgnie a lui neusse
Granmant que son non ne seusse
Et sele menseigna savoir
Donc voil ge vostre non savoir
Biaus amis chiers fait li prosdon
Gornemanz de gorhot ai non
Issi jusqual ostel sen vienent
Main. a main andui sentretienent
A la montéé dun degré
Vint uns vaslez de son gré
Qui aporta un mantel cort
Le vaslet enfufubler a cort
Quaprès le chalt ne lui preist
Froidure que mal li feist
Riches maisons beles et granz
Ot li prosdom. et biaus serjanz
Et li mangiers fu atornez
Et bons et biaus et acesinez
Si laverent li cheval
Et si assistrent al mangier
Page:Chrétien de Troyes - Roman de Perceval le Gallois - MS 248.pdf/53
Cette page n’a pas encore été corrigée
