L'OROYSON NOSTRE DAME 3
Après ton filz, com fui predit,
Pour le roy de France te pri
44 Qu’en pitié tu oyes le cry
De, ses bons et loyaulx amis,
Paix et vraye santé descry
A lui et ou livre l'escry
48 Ou Dieu a tous ses eslus mis.
Ave Maria.
V
O tu, Vierge prédestinée
Très avant que tu fusses née,
Ainsi le dit saint Augustin,
52 De la Trinité ordennée,
Pour nostre sauvement donnée,
Pure et perfaitte par destin,
Pour nostre royne de France
56 Te pry qu’elle n’ait ja souffrance
De peine infernal, et lui donnes
Joye et paix, et tiens en souffrance
Long temps au monde ; après l’outrance
60 De la mort de son ame ordonnes.
Ave Maria.
VI
Dame des angelz très courtoise,
Si com tesmoingne saint Ambroise,
Mirouer de toute vertu,
64 Vraye humilité qui la noise
D’orgueil rabat et qui racojse
D’yre la force, et la vertu,
Paix, bonne vie et bonne fin
68 Donne a mon seigneur le Daulphin
Et science pour gouverner
Le pueple qui de bon cuer fin
