en fin, and alleguent Zacharie, où il dit: Auferam spiritum immundum de terra: Et que les marques des Anges, and Diables, des esleuz and des reprouuez, est que les vns auront la vie eternelle, les autres mourront eternellement, apres auoir souffert les tourmens condignes à leurs meschãcetez, au temps determiné à chacun par le secret conseil de Dieu. Voyla sommairement l'opinion de quelques Theologiens Hebrieux, de laquelle les anciens Grecs ont esté abreuuez. Car nous voyons que Plutarque8 entre les raisons qu'il met, quand il discourt pourquoy les Oracles sont faillis (ce que Ciceron9 escript estre aduenu long temps au parauant luy) il dit que la vie des Dæmons est limitee, and que iceux defaillans, les Oracles ont cessé: Et Porphyre1 aussi r'apporte l'oracle d'Apollon en ces vers. [Greek omitted]. C'est à dire: Helas, helas pleurez tripodes, Apollon est mort, il est mort, par ce que la lumiere flamboyante du ciel me force. Et le mesme autheur sur le Timee de Platon, comme recite Procle, tient que la plus longue vie des De (11) mons ne passe point mil ans. Et de faict0 Eusebe historien Ecclesiastique, allegue l'histoire memorable r'apportee à l'Empereur Tybere, qui est aussi en Plutarque2: C'est à sçauoir que plusieurs passans en vn nauire les isles Echinades ouïrent vne voix en l'air appellant plusieurs fois Thamus, qui estoit le patron du nauire, auquel il fut dit quand il arriueroit aux Palodes, qu'il declarast que le grand -notes- 8In libro [Greek omitted]. 9in libro de diuinatione. 1In libro [Greek omitted]. 0lib. 5. cap. 1. 8. 9. [Greek omitted]. 2lib. [Greek omitted]. Page 57
