ce qu’vn des leurs vous a fait auoir. Sur tout ie vous conſeille d’employer le temps preſent, ſans vous attendre à l’aduenir ; car ſi vous differez touſiours de trois mois en trois mois, iuſqu’à ce que vous ſoyez mieux 5 que vous n’eſtes, ſçachez que vous n’auancerez iamais rien. Ie voudrois bien que vous fuſſiez icy ; mais ſelon que ie voy vos affaires, ie ne l’oſerois eſperer ; et puis nous ſommes en vne ſaiſon qui vous ſeroit incommode, il faudroit attendre l’eſté, & entre cy & là il ſe peut 10 preſenter mille autres occaſions. Sur tout, puiſque vous me faites la faueur de vouloir entendre mon aduis, ie vous conſeille d’employer le temps preſent à quelque prix que ce ſoit. Acheuez l’inſtrument de Monſieur Morin* ; le temps que vous n’y pouuez trauailler, 15 employez-le à faire des choſes qui vous donnent du profit preſent ; et ſi vous pouuez auoir du temps de reſte pour trauailler ſur l’eſperance d’vn plus grand profit à l’auenir, ie vous conſeille de l’employer aux verres. Mais afin que vous iugiez, auparauant que de vous y 20 employer, ſi c’eſt choſe qui puiſſe reüſſir, ie vous décriray icy vne partie de ce que i’en ay penſé, & vous en enuoyeray des modeles au prochain voyage, ſi vous le deſirez, ſans qu’il vous manque aucune choſe de ce qui dépendra de moy, non plus que fi i’eſtois à Paris.
25 Premierement, ie croy que vous vous ſouuenez de la machine que ie vous décriuis auant que de partir*, qui conſiſtoit en trois pieces principales : ſçauoir, l’axe A B qui tournoit en rond, la pièce C D qui ſe mouuoit au trauers de l’axe A B, & le cylindre E F qui 30 couloit entre les deux planches G H & I K, & tailloit le verre auec l’vne de ſes extremitez E ou F. Mainte-
