Page:Desrousseaux - Chansons et pasquilles lilloises, Volume 2, 1869.djvu/63

L’ CANCHON-DORMOIRE.

Air imitatif par l’auteur des paroles.

(Noté. — N^o 5.)

« Dors min p’ tit quinquin,
Min p’ tit pouchin,
Min gros rojin ;
Te m’ f’ ras du chagrin,
Si te n’ dors point qu’à d’ main. »

« Ainsi l’aut’ jour, eun pauv’ dintelière,
In amiclotant sin p’tit garchon
Qui d’ puis tros quarts d’heure, n’ faijot qu’ braire,
Tâchot d’ l’ indormir par eun’ canchon.
Ell’ li dijot : « Min Narcisse,
D’ main t’ aras du pain n’épice,
Du chuc à gogo,
Si t’es sache, et qu’ te fais dodo. »