AV LECTEVR.
On cher Lecteur,
Ie sçay qu’il y a long-temps que plusieurs jeunes Ecclesiatiques, & autres personnes pieuses & zelées du salut des Ames, desiroient de rencontrer quelque briéve, facile & familiere methode pour Prescher & Catechiser les Peuples tant des champs que des villes. Il m’est tombé ces iours passez entre les mains, un manuscrit tres-conforme à leur dessein ; C’est pourquoy ie l’ay imprimé & mis en lumiere, estant certain & asseuré, que tous ceux qui le liront y trouueront & apprendront une grande facilité pour Prescher & Catechiser familierement, & utilement les Mysteres de nostre Foy ; & en peu de temps ils pourront instruire les peuples des champs & des villes, de toutes les choses qu’ils daiuẽt sçauoir pour connoistre, aymer & seruir Dieu, & operer leur salut Eternel.
