Extraict des regiſtres de parlement.
Ur la requeſte ce iourduy baillee a la court par Conſtantin
fradin imprimeur et librayre en la ville de Lyon par
laquelle il requeroit luy eſtre pmis de imprimer ou fayre
imprimer vng liure dariſmethique & geometrie nouellement
cõpoſe par maiſtre Eſtienne de la roche dict ville
franche:Et defenſes etre faictes a tous Imprimeurs & librayres ne
imprimer ne faire imprimer vendre ny diſtribuer led liure.Veu par La
court la dicte requeſte et oy le rapport de certain cõmiſſaire cõmis a
veoir et viſiter ledict liure et tout conſidere La court a permis et permet
au dict Conſtantin Fradin de íprimer ou faire imṗmer Leḋ liure
defendant a tous aultres imprimeurs & librayres du royaume de frãce
et des terres appartenãtes a y celluy ne imprimer ne faire imṗmer
vendre ne faire vendre leḋ liure iuſques au terme de deux ans commencent
a Lan mille cinq cens.xxi. Sur peine de confiſcation deſḋ
liures & damẽde arbitrayre.Faict en parlemẽt le vingtieſme iour de decembre
Mille cinq cens vingt.
