le triangle qui a tous les trois costez egaux, comme le triangle A, s’appelle triangle equilateral : Mais les triangles qui n’ont que deux costez egaux, comme B & C, s’appellent triangles lsoscelles. Et finalement, le triangle qui a cous les trois costez inégaux, comme D, est nommé triangle scalene. Or les triangles Equilateraux sont toujours uniformes & d’une mesme sorte : mais les isoscelles, & les Scalenes sont diversifiez en infinies manieres.
27. Encores des figures de trois costez, celle se nomme triangle rectangle qui a un angle droict.
28. Ambligone, qui a un angle obtus.
29. Oxigone, qui a les trois angles aigus.
Euclide considere maintenant les triangles ayant égard à leurs angles, lesquels triangles sont de trois sortes, c’est à sçauoir rectangle, ambligone, & oxigone : les triangles rectangles sont ceux
qui ont un angle droict & tel est icy le triangle A : mais les triangles ambligones, sont ceux qui ont un angle obtus, comme est icy le triangle B : & les triangles oxigones, sont ceux qui ont tous les trois angles aigus, & tel est icy le triangle C. Or est a noter qu’en tout triangle deux quelconques lignes des trois qui le contiennent estans prises pour deux costez, la troisieme restante a scouftumé d’estre appellée par les Geometres, la base du triangle, soit qu’icelle ligne soit le costé infime du triangîe, ou
non : tellement que chacune desdictes trois lignes qui constituent & enfermét le triangle peut estre prise pour base : Ainsi au triangle ABC, les lignes AB, & AC estans prises pour les deux costés, la troisiéme lig. BC sera la base : mais si on prend AB, & BC pour les deux costés, AC sera là base du triangle.
30. Mais des figures de quatre costez ; celle qui a les quatre costés égaux, & les quatre angles droicts s’appelle quarré.
Apres les figures trilateres, Euclide expose les quadrilate-
res, qui sont de cinq sortes : la première d’icelles, qui est equilaterale & rectangle, s’appelle quarré. Ainsi la figure quadrilatere ABCD, ayant tous les quatre costez égaux, & tous les quatre angles droicts sera appellee quarré.
