ne le detournast de ses veües. Nour n’avons sceu toutes ces choses qu’après sa mort, et par une personne de tres grande vertu, qui avoit beaucoup de confiance en luy, à qui il avoit esté obligé de le dire par des raisons qui la regardoient elle mesme.
Cette riqueur quʼil exerçoit sur luy meſme, estoit tirée de cette grande maxime de Renoncer à tout plaisir, sur laquelle il avoit fondé tout le reglement de sa vie dès le commencement de sa retraitte. Il ne manquait pas non plus de prattiquer aussi exactement cette autre, qui l’obligeoit de renoncer a toute superfluité : car il retrenchoit avec tant de soin toutes les choſes inutiles, quʼil s’estoit reduit peu à peu à n’avoir plus de tapissserie dans sa chambre, parce qu’il ne croyoit par que cela fust necessaire, et d’ailleurs nʼy estant obligé par aucune bienseance, parce quʼil nʼy venoit que des gens à qui il recommandoit sans cesse les retrenchemens ; de sorte quʼils n’estoient pas surpris de ce qu’il vivoit luy mesme de la maniere quʼil conseilloit aux autres de vivre.
