Cette page n’a pas encore été corrigée
Car elle a vn gracieux ris,
Et ſi dort bien la bouche cloſe.
Le Pere.
Tout beau mon fils qu’on ſe repoſe,
I’ay bien appris d’autres nouuelles,
Qu’il vous faut auoir dame Roze
La fille de Iean de Nyueiles.
l’Amoureux.
Helas mon pere qu’elle eſt belle,
Sus toſt qu’on ſe mette en deuoir
De s’en aller par deuers elle,
Pour veoir s’elle me veut auoir.
Le Père.
Il nous faudroit premier ſçauoir
D’Alizon ſa bonne voiſine,
Comment il nous y faut pouruoir,
Car c’eſt vne femme bien fine.
l’Amoureux.
Mon pere faictes bonne mine
Et y allez voir ſans ſeiour,
