Et, lors que Saigremor approce,
Si l’escrie, et cilz se reveille,
Et de ce qu’il ot s’esmerveille,
Et dessus son pas se retarde,
Car en devant n’ot point pris garde
Au varlet ne a la pucelle.
Saigremor, qui fu en sa selle
Bien assis et sus ses estriers,
Dist : « Que volés vous, amis ciers ? »
— « Je voeil, » respondi cilz en l’eure,
« Que vous en venés, sans demeure,
« Parler ça a ma damoiselle. »
Dist Saigremor : « Ceste nouvelle f. 201 c
« Me plaist, et volentiers irai. »
Lors se retourne sans delay
Et viers la damoiselle vient,
Qui toute quoie la se tient.
Saigremor moult bien le salue,
Et celle, qui ne fu pas mue,
Doucement li rent son salu,
Et puis li dist : « En vostre escu,
« Chevaliers, par sainte Marie,
Portés vous toute courtoisie,
« De blanc a une blewe dame.
« A l’un des .ii. avés fait blasme,
« Ou as armes ou a vous propre,
« Quant je vous ay trouvé si sobre
« Qu’en saluant respondu riens. »
Saigremor, qui n’estoit pas siens,
Mais a la dame de Montmille,
Respont, et s’escuse et dist : « Fille,
« Pardonnes moy, pour Dieu merci,
« Tout ce dont vous m’encoupés ci,
« Car voir a vous pas ne pensoie
« Quant vous chevauciés sus la voie.
« Je sui uns chevaliers errans,
Page:Froissart - Méliador, tome 3.djvu/168
Le texte de cette page a été corrigé et est conforme au fac-similé.
163
Méliador
