Dunc lur remembret des fieus e des honurs
E des pulceles e des gentilz uixurs :
Cel n’en i ad ki de pitiét ne plurt.
Sur tuz les altres est Carles anguissus :
As porz d’Espaigne ad laissiet sun nevuld.
Pitiet l’en prent, ne poet muer n’en plurt. Aoi.
LXXIII
Li duze Per sunt reniés en Espaigne :
Vint milie Francs unt en la lur cumpaigne.
Nen unt pour ne de murir dutance.
Li Emperere s’en repairet en France ;
Pluret des oilz e trait sa barbe blanche.
Suz sun mantel en fait la cuntenance.
Dejuste lui chevalchet li dux Naimes,
E dit à l’ Rei : « De quei avez pesance ? »
Caries respunt : « Tort fait ki l’ me demandet.
« Si grant doel ai ne puis muer ne m’ pleigne.
" Par Guenelun serat destruite France :
« Enoit m’avint, par l’ avisiun d’un angle,
« Qu’ entre mes puignz me depeçout ma hanste.
« Ki munnevuld jugat à rere-guarde.
" Jo l’aï laissiet en une estrange marche.
» Deus ! se jo l’ pert, ja n’en avrai escange. » Aoi.
LXXIV
Carles li Magnes ne poet muer n’en plurt :
Cent milie Francs pur lui unt grant tendrur
E de Rollant merveilluse poür.
Guenes li fel en ad fait traïsun :
De l’ rei paien en ad oüt granz duns,
Or e argent ; palies e ciclatuns,
836. Par l’avisiun. Le songe est une des machines épiques dont nos poètes ont le plus volontiers lait usage. Charlemagne, dans Ogier le Danois, voit d’avance en songé l’aventure de son fils Charlot. (Édit. Barrois, p. 48,49.) Dans Huon de Bordeaux, le frère d’Huon, Gérard, a un rêve qui’ offre quelque res-
