Pois que il est sur sun cheval muntez,
Mult se fait fiers de ses armes porter :
De vasselage est-il bien à loer ;
Fust chrestiens, asez oüst barnet.
Devant Marsilie cil s’ en est escriez :
« En Rencesvals irai mun cors guier ;
« Se trois Rollant, de mort serat finez,
« E Oliviers e tuit li duze Per ;
« Franceis murrunt à doel e à viltet.
« Carles li magnes vielz est e redotez :
« Recreant iert de sa guère mener :
« Nus remeindrat Espaigne en quitedet. »
Li reis Marsilies mult l’en ad merciet.Aoi.
LXXIX
Un almaçur i ad de Moriane :
N’ad plus felun en la terre d’Espaigne.
Devant Marsilie ad faite sa vantance :
« En Rencesvals guierai ma cumpaigne,
« Vint milie sunt ad escuz e à lances.
« Se trois Rollant, de mort li duins fiance ;
« Franceis murrunt à doel e à viltance
« Jamais n’iert jurz que Carles ne s’en pleignet. »Aoi.
LXXX
D’altre part est Turgis de Turteluse ;
Cil est uns quens, si est la citet sue ;
De chrestiens voelt faire mal vude.
Devant Marsilie as altres si s’ajustet.
Ço dist à l’ Rei : « Ne vus esmaiez unkes.
« Plus valt Mahum que seinz Pierres de Rume ;
« Se lui servez, l’honur de l’ camp avrumes.
laissée. On y montre une paire de souliers de velours violet, comme ayant appartenu à Turpin : ces souliers sont à la mode du temps de François Ier. On y conserve aussi.une prétendue masse d’armes de Roland : c’est un boulet de bronze attaché par une chaîne à un solide manche de bois. Et voilà ou est aujourd’hui tombé le souvenir de Roland ! » (Mémoire manuscrit de M. P. Raymond.)
899. Fust chrestiens, etc. Cf. lev. 3764 :
