N’i ad celui à l’altre ne parolt :
« Se veïssum Rollant. einz qu’il fust morz,
« Ensembl’ od lui i durrium granz colps. »
De ço qui calt ? Demuret i unt trop.Aoi.
CLXI
Esclargiz est li vespres e li jurz ;
Cuntre l’ soleill reluisent cil adub,
Osberc e helme i getent grant flambur,
E cil escut ki bien sunt peint à flurs,
E cil espiet, cil oret gunfanun.
Li Emperere chevalchet par irur,
E li Franceis dolent e curuçus :
N’i ad celui ki durement ne plurt,
E de Rollant sunt en mult grant pour.
Li Reis fait prendre le cunte Guenelun,
Si l’ cumandat as cous de sa maisun.
Tut le plus maistre en apelet Besgun :
" Bien le me guarde, si cume tel felun
« De ma maisniéead faite traïsun. »
Cil le receit ; s’i met cent cumpaignuns
De la quisine, des mielz e des pejurs :
Icil li peilent la barbe e les’ gernuns,
Cascuns le fiert quatre colps de sun puign ;
Bien le bâtirent à fuz e à bastuns,
E si li metent el’ col un caeignun ;
Si l’ encaeinent altresi cume un urs.
Sur un sumier l’unt mis à deshonur ;
Tant le guardèrent que l’ rendent à Carlun.Aoi.
CLXII
Halt sunt li pui e tenebrus e grant,
Li val parfunt e les ewes curanz.
1810. Li Reis fait prendre... « L’Empereur fit sur-le-champ saisir le comto
