CLXXXV
Dient paien : « L’Emperere repairet ;
« De cels de France oez suner les glaisles.
« Se Carles vient, de nus i avrat perle ;
« Se Rollanz vit, nostre guère nuvelet :
« Perdut avum Espaigne nostre tere. »
Tel quatre cent s’en asemblent à helmes
E des meillurs ki el’ camp quident estre.
À Rollant rendent un estur fort e pesme :
Ore ad li Quens endreit sei mult que faire.Aoi.
CLXXXVI
Li quens Rollanz, quant il les veit venir,
Tant se fait forz e fiers e maneviz :
Ne s’ recrerrat tant cum il serat vifs,
Einz murreit il que il voeillet fuïr.
Siet el cheval qu’hum cleimet Veillantif :
Brochet le bien des esperuns d’or fin.
En la grant presse les vait tuz envaïr,
Ensembl’ od lui l’arcevesques Turpins.
Dist l’uns à l’ altre : « Çà vus traiez, amis.
« De cels de France les corns avum oït.
« Carles repairet, li reis poesteïfs. »Aoi.
CLXXXVII
Li quens Rollanz unkes n’amat cuard,
Ne orgoillus n’ hume de m’aie part,
Ne chevalier, s’il ne fust bons vassals.
E l’arcevesque Tùrpin en apelat :
« Sire, à pied estes, e jo sui à cheval ;
2126. Vellantif : C’est dans la Chanson d’Aspremont (nous en possédons un manuscrit de la première moitié du XIIIe siècle) que nous assistons à la conquête par Roland, encore enfant, de l’épée Durendal et du cheval Veil-
