« Tanz gentilz reis ad renduz recreanz !
« Jamais Marsilies ne nus serai guarani.
« Perdut avum Espaigne la vaillant,
« Se l’Amiralz pur nus ne la defent. » Aoi.
LA DERNIERE BÉNÉDICTION DE L’ARCHEVÊQUE
CXC
Paien s’en fuient curuçus e iriet,
Envers Espaigne tendent de l’ espleitier,
Li quens Rollanz ne ’s ad dune encalciez.
Perdut i ad Veillantif sun destrier :
Voeillet o nun, remés i est à pied.
A l’ arcevesque Turpin alat aidier,
Sun helme ad or li deslaçat de l’ chief,
Si li tolit le blanc osberc legier,
E sun blialt li ad tut detrenchiet,
En ses granz plaies les pans li ad fichiel ;
Cuntre sun piz, pois, si F ad embraciet ;
Sur l’herbe verte, pois, l’ad suef culchiet.
Mult dulcement li ad Rollanz preiet :
« E ! gentilz hum, kar me dunez cungied.
« Noz cumpaignuns, que oümes tant chiers,
« Or sunt il mort, nés i devum laissier ;
« Jo’es voeill aler e querre e entercier,
« Dedevant vus juster e enrengier. »
Dist l’Arcevesques : « Alez e repairiez.
« Cist camps est vostre, la mercit Deu, e miens. » Aoi.
CXCI
Rollanz s’en turnet, par le camp vait tut suls,
Cerchet les vals e si cerchet les munz ;
Iloec œuvat Ivoerie e Ivun,
Truvat Gerin, Gerier sun cumpaignun,
