CCXXXVIII
« Amis Rollanz, jo m’en irai en France.
2910 « Cum jo serai à Loün, en ma cambre,
« De plusurs règnes viendront li hume estrange.
« Demanderunt ù est li Quens catanies :
« Jo lur dirrai qu’il est morz en Espaigne.
« A grant dulur tiendrai pois mun reialme :
2915 « Jamais n’iert jurz que ne plur ne m’en pleigne.Aoi.
CCXXXIX
« Amis Rollanz, prozdum, juvente bele,
« Cum jo serai ad Ais en ma capele,
« Viendrunt li hume, demanderunt nuveles ;
« Jé s lur dirrai merveilluses e pesmes :
2920 « Morz est mis niés, ki tant suleit cunquerre.
« Encontre mei revelerunt li Seisne
« E Hungre e Bugre e tante gent averse,
« Romain, Puillain e tuit cil de Palerne,
« E cil d’Affrike e cil de Califerne ;
2925 « Pois, encrerrunt mes peines e mes suffraites.
« Ki guierat mes oz à tel poeste,
« Quant cil est morz ki tuz jurz nus cadelet ?
« E ! France dulce, cum remeins hoi déserte !
« Si grant doel ai que jo ne vuldreie estre. »
2930 Sa barbe blanche cumencet à detraire,
Ad ambes mains les chevels de sa teste.
Cent milie Franc s’en pasment contre tere. Aoi.
CCXL
« Amis Rollanz, as perdue la vie :
« L’anme de tei en pareïs seit mise !
2935 « Ki tei ad mort France dulce ad hunie.
2910. A Loün. Ce couplet est fondé sur une légende du Xe siècle, et le sui-
