CCLXXVI
3405 Li Emperere recleimet ses Franceis :
« Seignurs baruns, jo vus aim, si vus crei.
« Tantes batailles avez faites pur mei,
« Regnes cunquis e desordenet reis !
« Bien le conois que guerredun vus dei
3410 « E de mun cors, de teres e d’aveir.
« Vengiez voz fllz, voz frères e voz heirs
« K’en Rencesvals furent ocis hier seir !
« la savez vus contre païens ai dreit. »
Respundent Franc : « Sire, vus dites veir. »
3415 Itels vint milie en ad Carles od sei,
Cumunelment l’en prametent lur feid,
Ne li faldrunt pur mort ne pur destreit.
N’ en i ad cet sa lance n’ i empleit :
De lur espées i fièrent demaneis.
3420 La bataille est de merveillus destreit.Aoi.
CCLXXVII
Li ber Malprimes par roi le camp chevalchet,
De cels de France i fait mult grant damage.
Naimes li dux fièrement le reguardet,
Vait le férir cume hum vertudables,
3425 De sun escut li freint la pene halte,
De sun osberc les dous pans li desaffret.
El’ cors li met tute l’enseigne jalne,
Que mort l’abat entre set cenz des altres.Aoi.
CCLXXVIII
Reis Canabeus, li frère à l’ Amiraill,
3430 Des esperuns bien brochet sun cheval,
Trait ad l’espée, li punz est de cristal,
Si fiert Naimun en l’helme principal,
