Vous avez oÿ[1] ça devant comment ele reçoit lumiere la moitié du soleill entiere. Mais[2] quant il couvient qu’ele eclipse[3], clarté ne li vient de nulle[4] part. Et si ne li avient, fors quant elle a tornée[5] la moitié de son cors vers le souleill[6], que ele ne soit toz [F° 101 a] jourz[7] enluminée. Mais la lune, qui ne vait pas si droit comme fait li solaus[8], passe aucunes[9] foiz
Fig. 25.
par tel voie que la terre l’ombroie toute. Car la terre est plus granz que ele n’est, et pour ce l’ombroie ele ainsi. Car entr’eus ·ii· a une lingne, tant que ele se decline a[10] la lune, tant comme son cours est plus isnel. Et lors la refiert li solaus[11] de ses rais et li rent clarté ; par quoi[12] ele reprent sa lumiere. Mais que mains passe par cel om-[F° 101 b]bre, tant li encombre ele mains de la clarté que ele reçoit du soleill[13] quele part[14] que ele soit ; fors quant ele se doit prendre a l’ombre.
Si pouez ce ainsi entendre : S’une ligne passoit par mi la terre, par le point du milieu tout outre hors d’ambes ·ii· parz[15] ; et passast tout outre le cors du souleill, tout par droit repart, et l’autre chief, par d’autre
