Page:Gournay - Les advis ou Les présens de la demoiselle de Gournay (1641).pdf/362

342

LES ADVIS.

le ſoit, ce n’eſt pas merueille ſi cinq cens teſtes de ce Climat, qui croyent qu’il y a de la ſuffiſance à draper, ſuiuent ſa piſte : ces gens-là n’eſtans pas d’ailleurs, ſi fins communément, qu’ils puiſſent diſcerner s’il les meine par le nez ou non, ſoit pour quelque ſien intereſt, ou pour faire parler de luy. Nous adiouſterons vn traict de Xenophon apres celuy des Eſſais. Ce grand Philoſophe & grand general d’Armée nous enſeigne, en quelle ſymetrie il faut ranger les marmites & les autres vaiſſeaux d’vne cuiſine, ſoit en rond, en cœur ou autrement : affin que cét ordre rande la face de la batterie plus aggreable à l’œil, pour l’honneur de la Menagere. Ces deux Autheurs & ces deux contes, dont le dernier ſe faict aux oreilles de Socrates meſme en l’Oeconomie, me releueront ayſement du beſoin de leur adiouſter des compagnons en leur eſpece : ſi Viuez & Sainct Auguſtin ne veulent eſtre ouys à leur tour, ſur l’hiſtoire des pets organiſez. Mais enfin reprenant mon theſme, i’aurois tort de m’offencer, ſi des cerueaux qui s’entretiennent de tant d’autres impertinances, & dont aucuns des plus huppez de la trouppe, proumenans leurs diſcours ſur l’examen des Eſcrits diuers, ne craignent nullement de paſſer iuſques au meſpris des Eſſais comme ils feroient de Xenophon encores, ſi l’authorité des Siecles ne le ſouſtenoit ; i’aurois tort, veux-ie dire, de m’eſtonner ou de m’offencer dequoy telles gens décrient le mien. Sont-ce pas auſſi les meſmes bouches, qui font piaffe & triomphe ſolennel, de ne lire plus qu’auec dédain Ronſard & ſa volée, appelans leurs Poëſies, Ouurages du Pont-neuf ? Cependant venons au poinct, c’eſt trop perdre de temps à debeller des badineries. Et de vray, ie n’euſſe pas daigné pouſſer ſi auant cette chetiue deffence, quoy que leur inſolence ſoit paſſée iuſques hors de toutes bornes, ſi ie n’euſſe pretendu la porter de ma cauſe particuliere à la generalle de tous ceux qui ne meſpriſent pas en temps & lieu d’occuper leur plume aux ſujets familiers & bas meſmes, s’il vient à propos : ou de ceux apres, deſquels le iugement al-