dre abſolument ? Ils font petitement partie de la Cour, & la Cour entiere fait part de la France : mais plus preciſément & prochainement elle fait part de Paris, puis que cette auguſte & Royalle Ville eſt capitale de cette illuſtre Region. La Cour hors de Paris, ſe peut dire hors de chez ſoy. Quelqu’vn de ces nouueaux Grammairiens me vouloit vn iour faire accroire, qu’ils auoient raiſon en vne telle preferance du langage de Cour, pource que toutes les Prouinces de la France y apportoient ce qu’elles auoient de meilleur par l’entremiſe des affaires qui viſent en ce lieu-là de toutes parts, & par les deputations & les harãgues. Ouy, luy repliquay-ie, pourueu qu’il fuſt queſtion d’adiouſter å la Langue, & non de retrancher comme vous faites : & de plus, que vous allaſſiez chercher le fruit & la moiſſon de l’accroiſſement que les affaires & les deputations y apporteroient, dans les Conſeils & chez les Miniſtres d’Eſtat où elles vont tomber directement, & non pas au Cabinet des Dames.
Et faut rire auſſi ſur les enuirons de ce propos, de ce que ſoudain que ceſte eſpece de Polis de Cabinet, ou les partiſans de leur langage, voyent quelque phraſe ou metaphore excellente de fabricque, d’émail ou de force exquile, non ſeulement ils n’en apperçoiuent point la beauté ny la valeur ; mais ils les heurtent, & preſchent, que la douceur eſt plus agreable. Cela neantinoins par l’inftru&tion ordinaire de leurs Poetes, qui cherchent encore icy la febue au gaſteau, de nous arracher apres les mots puiſſants, les manieres de s’exprimer puiſſantes, & qui coiffent du titre de douceur, la baſſe & foible adreſſe d’une autre phraſe equiualente de ſens qu’ils vous propoſeront, & moulée ſur le parler vulgaire, en lieu de celle qu’on leur preſente ; ne ſachant pas que la vraye douceur des Langues et de leuts productions, conſiſte comine celle du vin en leur eſprit de en leur vigueur. Ils ne font ſouvenir du bon villageois, qui ne cognoiſloit plus l’Orient depuis qu’il auoit eſcarté la cheminée, qui le regardoit : ne
