envoyé la depesche que ledict Charretier avoit charge de luy rendre ; ne voulant, en chose si importante, concernant non seulement mon particulier mais tout le general, vous faire aulcune response que par la commune desliberation de tous ceulx qui y ont interest. Par ainsy, je vous reprie sur ceste occasion ne differer vostre acheminement de deçà pour particulierement m’assister de vostre prudence et bon conseil, sur lequel j’ay entiere confiance. Et en attendant, je prieray Dieu, mon Cousin, vous avoir en sa saincte garde. D’Agen, le xiije janvier 1577.
Orig. – B. R. Fonds Béthune, Ms. 8886, fol. 30 recto.
Mon Cousin, J’ay receu une depesche du Roy mon seigneur, par laquelle il me commande de convoquer les depputez des catholicques associez et de ceulx de la relligion refformée, à certain jour et lieu que j’adviseray, pour là entendre, par ceulx qu’il luy plaira envoyer de sa part, son intencion sur les supplications et requestes qui luy pourront estre faictes par les Estatz-generaulx de son Royaume ; afin de prendre, en ceste conference, une bonne resolution à son service et à la conservation de ses subjectz. Suivant cela, je l’ay assignée à Montauban, au premier jour de febvrier prochain, et ce pendant commandé que toutes voyes d’hostilité cessent, tant en mon gouvernement qu’en tous autres endroictz où ceulx de la dicte Religion pouvoient estre aucunement esmeuz, à cause des choses passées au Pont-St-Esprit[2] et ailleurs, et neantmoins ordonné l’eslargissement de tous les prisonniers detenuz d’une part et d’aultre, comme je le
- ↑ L’amiral de Villars.
- ↑ Cette ville, comme nous l’avons dit, avait été enlevée au maréchal de Damville à la fin de l’année précédente, par le capitaine Honoré d’Albert, seigneur de Luynes, qui en était gouverneur pour le Roi, et qui d’abord avait fait arrêter M. de Montmorency-Thoré, frère du maréchal de Damville.
