Orig. autographe. – Arch. du royaume, section historique. Arch. de Simancas, B. 45, p. 93.
Monsieur, Ayant esté nagueres adverty et confirmé en l’asseurance de la bonne volonté qu’il vous plaist me porter, je n’ay voulu faillir de vous en remercyer tres humblement, et sous ceste confiance et avec l’occasion du voyage que le viconte de Chaus, present porteur, va maintenant faire par delà, luy commander de vous visiter et baiser tres humblement les mains de ma part, et vous supplier de luy vouloir permettre de tirer et faire passer dix chevaux d’Espaigne pour mon service[1], ensemble de vouloir croire de ce qu’il vous dira comme moy-mesmes qui, sur ce, supplieray Nostre Seigneur vous donner,
Monsieur, en trés parfaite santé trés bonne et trés heureuse vie. De Montauban, le vje d’aoust.
HENRY.
Cop. – Arch. de la préfecture d’Eure-et-Loir. Transmise par M. de Boisthibaut.
À MONSR D’ARCISSE,
Monsr d’Arcisse, Je vous ay ce jour d’huy faict depescher lettres de commission, pour proceder à la coupe de vente de mes bois et
- ↑ Les archives de Simancas contiennent un grand nombre de lettres des divers souverains de l’Europe adressées également au roi d’Espagne pour obtenir la permission de tirer des chevaux de son royaume.
