Cop. – Biblioth. de Tours, ancien manuscrit des Carmes, coté M, no 50, Lettres historiques, p. 20. Communiqué par M. le préfet.
Messrs, Ayant entendu les desordres qui, à mon trés grand regret, sont advenuz en la seneschaussée de Lauragois[1] et sçachant les maux qui se commectent journellement tant par ceulx de nostre religion que par les catholiques, les ungs causés par les autres, j’ay advisé de vous envoyer le sr de Terride[2], pour ensemble regarder aux moyens qu’il y auroit de donner quelque bon remede. J’ay aussi depesché le sr du Bartas[3], devers mon cousin monsr de Montmorency, pour le prier de choisir et deputer quelque gentilhomme catholique et l’envoyer avec ledict sr de Terride, pour par ensemble pourveoir à ce qui sera necessaire. Mais avant qu’il soit arrivé, vous devez bien penser aux moyens qui se pourront traicter et executer pour vostre conservation, la liberté de vostre commerce et la punition de ceulx qui vous pillent et rançonnent. Pour cest effect, je n’eusse peu vous envoyer personne plus confident ni plus zelé que ledict sr de Terride. Je vous prie donc, Messrs, de vouloir croire de ce qu’il vous dira de ma part, et du conseil qu’il vous donnera ; tenant la main non seulement à l’entiere execution de l’edict, mais aussi à la capture de ceulx qui contreviendront, afin que personne n’ayt aulcune prise
- ↑ Ce comté, qui appartenait à Catherine de Médicis, était borné par le Toulousain, l’Albigeois, le Carcassez et le comté de Foix. La lettre, dont nous n’avons pas suppléé la suscription, pourrait être écrite aux habitants de Castelnaudary, qui était la Capitale du Lauraguais.
- ↑ Géraud de Lomagne, qui commandait dans le bas Querci et le Lauraguais, était devenu vicomte de Terride en 1572, par la mort d’Antoine de Lomagne, son frère aîné, qui n’avait laissé qu’une fille. Le château de Terride, au diocèse de Montauban, était le chef-lieu de la vicomté de Gimoez.
- ↑ C’est le célèbre poète Guillaume de Saluste du Bartas. Il commandait une compagnie de cavalerie en Gascogne, était gentilhomme ordinaire du roi de Navarre, et fut chargé par ce prince de plusieurs importantes négociations en France et dans des cours étrangères. Il mourut en 1590 ou en 1591, après avoir célébré dans ses vers la bataille d’Ivry.
