tesmoignage de l’affection que je porte à vostre service et au bien de vostre estat, que vous me ferez cest honneur de n’en douter aucunement. Et pour ce que le sr de Verac va instruit de tout, je m’en remettray sur sa suffisance, pour vous baiser tres humblement les mains et vous supplier de continuer vos bonnes graces et faveurs à celuy qui ne sera jamais aultre que
De Nerac, le iije jour de mars.
Orig. – B. R. Fonds Saint-Germain-Harlay, Ms. 329-2, pièce 91.
Monseigneur, Encores que je vous aye, ces jours passez, envoyé le sr de Ravignan instruit des affaires de deçà et que par luy vous ayez peu comprendre les difficultez qui naissent chascun jour de pouvoir retenir en beaucoup de lieux les courses et invasions et des ungs et des aultres, touttefoys, se presentans d’heure à aultre nouvelles occasions, j’ay pensé digne de vous depesher ce porteur exprès avec la presente, principalement d’une qui est que ceulx qui ont surpris la ville de Soreze, aprés avoir tué ceulx qu’ilz ont voulu, jusqu’à des enfans de trois ans, en ayant reservé quelques ungs, ou pour l’aage ou pour la rançon, que bon leur a semblé, ils les ont depuis assommez tous comme bestes. Ceulx de Revel[1] et des places circonvoisines les tiennent de si pres, que, s’ilz ne sont secouruz, il est malaisé qu’ils echappent, m’ayant envoyé demander ung chef pour y commander, lequel je leur ay refusé, les exhortant de se retirer et ne rien attenter. Et d’autant que telles allumettes pourroient exciter quelque feu qu’il seroit malaisé d’esteindre, pour lequel prevenir j’ay escrit de toutes parts, je vous supplie trés humblement, Monseigneur,
- ↑ Aujourd’hui chef-lieu de canton du département de la Haute-Garonne.
