Orig. – Arch. de famille de M. le comte H. C. de Meslon, à Rauzan. Envoi de M. le secrétaire général du département de la Gironde.
Monsr de Melon ; J’ay grand contentement du debvoir que faictes en la garde et gouvernement de Monsegur, et semblablement du sieur de Pichard, vostre lieutenant, lequel je veus et entens estre continué en ladicte charge de vostre lieutenant, m’asseurant qu’il s’y comportera tousjours de mieus en mieus. Quant au sr de Gabarret, Je vous prie luy faire entendre que je desire grandement le contenter, mais qu’il ne m’est possible de luy accorder l’estat de mestre de camp dans Monsegur, qu’il pretend ; d’autant que c’est une chose que je n’ay encore faict en nulle autre place en faveur de personne ny resolu faire cy aprez. Mais s’il me veut venir trouver, je luy ferays si bon traitement et si favorable qu’il en sera satisfaict. Et sur ce, aprés vous avoir recommandé le soin de vostre charge et d’empescher que vos gens ne facent de desordre, je supplieray le Createur, Monsr de Melon, vous tenir en sa saincte garde. De la Force, ce viije aoust.
1580. — 13 août.
Orig. – Arch. de famille de M. le comte H. C. de Meslon, à Rauzan. Envoi. de M. le secrétaire général du département de la Gironde.
Monsr de Melon, Incontinent ceste lettre receue, faictes monter à cheval sept ou huict cuyrassés, les mieulx montez, pour me venir trouver avec le Castera et Ses compaignons, et dictes à Beigné, auquel j’escris, qu’il ne fasse faulte de mettre le prisonnier en liberté
