puis cinq mois. Je vous en prye affectueusement et Nostre Seigneur vous tenir, mon Cousin, en sa saincte garde. De Nerac, ce ...... novembre 1582.
Orig. — Arch. de M. le baron de Scorbiac, à Montauban. Copie transmise par M. Gustave de Clausade, correspondant du ministère de l’Instruction publique.
À MONSR DE SCORBIAC.
Monsr de Scorbiac, Despeschant Lamberdiere, mon secretaire, present porteur, vers monsr le president Duranty et la court de parlement de Thoulouze avecques les lettres du Roy, mon seigneur, portans une derniere recharge et jussion pour le restablissement de vostre chambre de l’eedict, je luy ay recommandé de passer la part que vous seriez, pour vous faire voir toute sa despesche, et prendre et suivre sur icelle vostre bon advis et conseil sur ce qu’il aura à faire et dire, et comme il se devra conduire, pour faire le tout reussir, ainsi que nous desirons pour le bien de la paix, laquelle ne peut subsister ne estre entretenue sans justice. N’estant la presente à aultre fin, je prieray Dieu vous tenir, Monsr de Scorbiac, en sa saincte protection. De Nerac, ce vje decembre 1582.
