_
1609. — 31 JUILLET. Orig. -- B. I. Fonds Béthune, Ms. 9020, fol. 61. A MONSR DE BREVES. CONSEILLER EN MON CONSEIL D’ES'I‘AT ET MON AMBASSADEUR À ROME. ` Mons’ de Breves, Encores que la cognoissance que vous avés de l’estat auquel est a present Feglise du Sainct Sepulcre de Nostre Seigneur, m’ayt assez appris le besoin qu'elle a de reparation, neant - moins, ayant esté adverty de la devotion de maistre Gilles Poré, prebstre residant en ceste ville de Paris, present porteur, qui entre- prend pour la seconde fois le voyage de la terre saincte, j'ay bien voulu, avec ceste occasion, le charger de me rapporter la description des lieux par le menu, l'estat des reparations qui y sont necessaires, tant pour la quantité que pour la- maniere dlicelles, de la despense à laquelle elles pourront monter, des personnes auxquelles il sera, besoing en donner le soing, et des aultres particularitez qui seront observées en cela, pour aprés y pourveoir selon que je verray estre le plus à propos. C’est pourquoy, luy ayant commandé de vous voir, je vous diray que vous ferés chose qui me sera tres agreable de l’instruire amplement de ce qu’il a à faire pour accomplir en cela mon intention. C’est ma volonté ; à laquelle m'asseurant que vous ne ferés ` faulte, tant pour la pieté que vous aves envers ces saincts lieux, que estre chose que _j’alYectionne, je ne vous en diray pas davantage, mais prieray Dieu, Mons' de Breves, vous tenir en prosperité. Escript à Paris le dernier jour de juillet 1 6og. . . HENRY. — nr. nomma.
