tant de graces & de perfections, pour bien instruire ses disciples. Elles sont aussi exterieures, comme les genuflexions, les prieres du soir & du matin, l’assistance à la Sainte Messe, soit qu’il l’entende, ou qu’il y serue, ou qu’il la celebre (s’il est Prestre) assissant au seruice diuin les Festes & Dimanches ; recitant ses heures & prieres auec vne grande attention d’esprit & modestie exterieure.
2. Il doit enseigner à ses enfans à bien pratiquer cette Vertu à l’esgard de Dieu, leur recommandant de faire leurs prieres du soir, du matin, & de l’Eglise : d’assister à tout le seruice diuin, auec vn grand respect : leur enseignant que Dieu s’est reserué les iours des Festes & Dimanches, affin que nous le reconnoissions au moins en ces iours, en nous abstenant de toutes œuures seruiles & manuelles : & les employant en des actions Sainctes & de pieté Chrestienne. De plus il leur monstrera à bien seruir à la Sainte Messe ; leur disant, combien il sont indignes de faire cét office, qui appartient aux Anges & aux Clercs, & que ce n’est que par necessité qu’ils y peuuent seruir : & par consequent combien ils doiuent garder le respect & la modestie, bien faire les genuflections, adorations, inclinations & autres reuerences, se gardant bien de regarder d’vn autre costé : les aduetrissant que ceux qui seront trouués en telles fautes, ils seront chastiés de Dieu en l’autre vie tres-rigoureusement, & en l’Escole selon la grieueté de leur faute.
L doit encor euiter toute forte de superstition, n’adjoustant foy ny aux songes, ny aux prestiges, qui n’ont aucun rapport auec la cause à qui on les rapporte ; & mesme il doit beaucoup des-abuser