| 126 | L’ALCORAN. |
eſt juge de toutes choſes, il juge avec verité, & eſt tres-juſte en ſes jugemens. Je ne vous puis pas faire voir promptement les tourmens de l’Enfer, ny les chaſtimens de Dieu que vous demandez avec tant d’inſtance, cela dépend de ſa divine Majeſté, ſi j’avois ce pouvoir noſtre different ſeroit bientoſt finy. Dieu cognoit ceux qui Dicu ſont injuſtes, il a en ſa puiſſance les clefs du futur, perſonne ne le ſçait que luy, il ſçait tout qui eſt en la Terre & en la Mer, il ſçai le nombre des feüilles qui tombent de deſſus les arbres, & le nombre des atomes qui font dans les tenebres de la terre, il n’y a rien de ſec ny rien de verd en terre qui ne ſoit efcrit dans le Livrc de lumiere ; C’eſt luy qui vous fait mourir la nuit, & qui ſçait le bien & le mal que vous avez fait de jour, il vous fera reſſuſciter à jour nommé, vous ſerez tous afſemblez devant luy, il vous fera cognoiſtre vos pechez, & vous chaſtiera ſelon vos démerites, il eſt touſjours victorieux, & tout-Puiſſant ; Il envoyera obſerver vos actions, & lors quc vous ſerez arrivez à l’heure de la mort il envoyera ſes Meſſagers qui ne manqucront pas de faire ce qu’il commandera, le peuple ſe rangcra à luy, comme à ſon Secigneur, il eſt extremement exact à faire compte ; Dis leur, il vous delivrera des tenebres de la mer & de la terre lors que vous l’invoquerez ſecrettement ou publiquement, s’il m’en delivre je le remercieray de ſa grace ; Dis leur, Dieu vous peut delivrer des tenebres & de toutes ſortes d’afflictions, neantmoins vous dites qu’il à un com-
