| DE MAHOMET. | 141 |
ſtre leurs fautes, & les punira ſelon l’enormité de leurs crimes ; Celuy qui fera une bonne œuvre recevra dix fois autant de recompenſe ; Celuy qui fera quelque malice ſera puny de meſmes façon, & ne luy ſera point fait d’injuſtice. Dis leur, Dieu m’a conduit au chemin de ſalut, ceux qui profeſſent la loy d’Abraham profeſſent l’unité de Dieu, Abraham n’eſtoit pas au nombre des iufidelles, mes prieres, mes vœux, ma vie, &’ ma mort, ſont conſacrez à Dieu, il n’a point de compagnon, & ſuis entierement reſigné à ſa divine volonté. Dis leur, Souhaitay je d’adorer autre Dieu que le Seigneur de l’univers ? Le bien que l’homme fait eſt pour luy, & le mal qu’il fait eſt contre luy, vous ſerez un jour tous aſſemblez en la preſence de Dieu, il reſoudra vos differens ; c’eſt luy qui prolonge voſtre poſterité & qui eſleve les uns plus que les autres pour vous eſprouver, voſtre Seigneur eſt exact à chaſtier les meſchans, & clement & miſericordieux aux gens de bien.
