| 178 | L’ALCORAN. |
s’ils vous tiennent ce qu’ils vous ont promiſ ; obſervez ce que vous leurs avez promis, Dieu ayme ceux qui ont ſa crainte devant les yeux : Comme auront-ils tréve avec vous ? s’ils ont advantage ſur vous ils ne respecteront ny voſtre alliance ny voſtre confederation, ils diront du bien de vous, & vous mespriſeront en leur cœur, la plus grande partie d’entr’eux ſont des meſchans, ils ont preferé les biens de ce monde au commandemens de Dieu, & ont empeſché le peuple de ſuivre ſa loy, comme s’ils ne ſçavoient pas ce qu’ils faiſoient, ils ne portent point de respect aux vray-croyans, enquoy ils ont tres-grand tort. S’ils ſe convertiſſent, s’ils font leurs oraiſons au temps ordonné, s’ils payent les decimes, ils ſeront vos freres en Dieu ; J’enſeigne les myſteres de la foy à ceux qui les ſçavent comprendre, s’ils contreviennent à leur promeſſe, & s’ils inquietent ceux de voſtre Religion, tuez leurs Chefs comme perſonnes ſans foy, peut-eſtre qu’ils mettront fin à leur impieté ; tuez particulierement ceux qui ont renié leur foy, qui ont fait leurs efforts pour chaſſer le Prophete de la Meque, & qui ont commencé à vous tuer ; les craindrez vous ? aurez vous peur d’eux ? il eſt raiſonnable que vous craignez Dieu, ſi vous croyez en ſa loy, combattez-les, Dieu les chaſtiera par vos mains, il les rendra honteux, il vous protegera contr’eux, il fortifiera le cœur des vray-croyans, & en chaſſera la melancholie, il pardonne à qui bon luy ſemble, il ſçait tout, & eſt tres-prudent en ce qu’il
