| 16 | L’ALCORAN. |
le Royaume des Cieux, & de la Terre ? Qui ſera voſtre Protecteur autre que Dieu ? Voulez vous interroger voſtre Prophete comme Moïſe a eſté cy-devant interrogé ? Celuy qui changera la foy à l’impieté ſortira du bon chemin. Pluſieurs de ceux qui ſcavent l’eſcriture, taſcheront à le vous dévoyer par impieté & par envie, encor que la verité leur ſoit cogneuë[1], pardonnez leur & vous gardez d’eux juſques à ce que Dieu en ait diſpoſé, il eſt tout Puiſſant. Faictes vos oraiſons au temps ordonné, & payez les decimes, vous trouverez devant Dieu le bien que vous ferez pour vos ames, il void tout ce que vous faictes. Ils ont dit que perſonne n’entrera dans le Paradis que les Juifs ou les Chreſtiens c’eſt leur menſonge, dis leur ; Apportez vos raiſons ſi vous eſtes gens de bien, au contraire celuy qui ſe reſigne en Dieu à qui eſt homme de bien, ſera recompenſé par ſa Divine Majeſté; il ne faut rien craindre pour luy, il ne ſera pas tourmenté dedans le feu d’Enfer. Les Juifs ont dit ; les Chreſtiens n’ont point de raiſons, Et les Chreſtiens ont dit, les Juifs ſont ſans raiſon, neantmoins ils eſtudient l’eſcriture ; ainſti parlent les ignorans, Dieu jugera leur difſerent au jour de la Reſurrection ; Qui eſt plus injuſte que celuy qui empeſche qu’on ne ſe ſouvienne de Dieu dedans les Temples, & qui ne s’eſtudie qu’à leur ruine ; telle gens n’y peuvent entrer qu’avec crainte & terreur, ils auront en Terre la honte ſur le ſront, & ſouffriront en l’autre monde de tres-
- ↑ Ce ſont les Juifs & les Chreſtiens qui ont la loy eſcrite. Voy Gelaldin.
