| DE MAHOMET. | 63 |
puiſſant & Prudent en les œuvres, il exterminera en ce monde une partie de ceux qui ſont impies, ou il les reprendra ſi aigrement qu’ils ſeront deſeperez : tu n’as pas affaire s’il leur pardonnera ou s’il les chaſtiera parce qu’ils ſont des meſchans, tout ce qui eſt en Terre & aux ; Cieux eſt à luy, il pardonne à qui bon luy ſemble, il eſt clement & miſericordieux aux gens de bien. O vous qui croyez ne ſoyez pas uſuriers ; & craignez Dieu, peut-eſtre que vous obeïrez à ſes commandemens, craignez le feu d’Enfer preparé pour les infidelles & obeïſſez à Dieu & aux Prophetes ; ſes Apoſtres vos pechez vous ſeront : pardonnez, demandez promptement pardon à voſtre Seigneur, la largeur du Paradis contient le Ciel & la Terre, il eſt reparé pour les gens de bien ! Dieu ayme ceux qui font des aumosnes en joye & en affliction, qui dominent leur colere, & qui pardonnent à ceux qui les ont offenſez ; il ayme ceux qui font bien, & qui apres avoir commis quelque peché ſe ſont ſouvenus de ſa divine Majeſté, & luy en ont demandé pardon ; qui pardonne les pechez autre que Dieu ? Ceux qui ne perſiſteront pas en leurs crimes, & qui recognoiſtront leurs pechez, ſeront recompenſez de la miſericorde de Dieu , & jouïront de ſa grace dedans le Paradis. Il y a eu cy-devant des loix & des voyes pour conduire le peuple au droit chemin, mais conſiderez qu’elle a eſté la fin des infidelles. L’Alcoran eſt envoyé pour inſtruire le monde pour conduire les hommes au droict che-
