de cette ville, les Trois Maryes, la sacristie de la dicte abbaye, Sainct Yves et la chapellanie de Bcaumont. Desquels bénéfices, la dame abbesse de Sainct George en a la présentation et nomination, vacquance advenant. Et outre dans l’église de la dicte abbaye de Sainct George est la chapellanie de Sainct Anthoine des Haults Villiers, qui est en la présentation de la dame prieure du prieuré de Tinténiac, et la collation et toutte autre provision apartient aux dames abbesses du dict Sainct Georges, avecq droict de présanter aussy la cure de Brisiac.
GRAND BAILLIAGE DE RENNES.
Item confessent et advouent tenir un fief et bailliage apellé le Grand Railliage, s’extendant et ayant cours, partie en cette ville de Rennes et autre partie hors icelle, es paroisses de Saint Pierre en Sainct George, Toussainct, Saint Germain et Sainct Laurent des Vignes, auquel y a plusieurs hommes et vassaux tant estagers que non estagers ; entrautres, dame Renée de Bourgneuf comtesse de Villeneuve, héritière principalle et noble de Messire Henri de Bourneuf, vivant seigneur de Cucé, conseiller du Roy en ses conseils d’Estat et privé, et premier président en son Parlement de Bretagne, lequel tient prochement, noblement à debvoir de foy, hommage et racliapt de la dicte abbaye le fief et bailliage apellé Champagne, autrement de Caisdan, s’extendant et ayant cours aux environs de la dicte rue Hux, l’un des forsbourgs de cette ville de Rennes et ailleurs, lequel seigneur du dict fief de Caesdan doibt et est tenu se trouver chacun an, le dict jour de la foire de la my caresme, ou un gentilhomme monté à cheval pour luy, au devant de la dicte abbaye Sainct Georges pour accompagner les officiers du dict Saint Georges allant à la chevauchée de la dicte foire apartenant à la dicte dame ab-
