Cette page n’a pas encore été corrigée
leur sont près, si peu qu’ils ont d’esprit, cela mesme s'esveille. Assez commun est le beau mot de cest autre là qui, voiant la gorge de sa femme descouverte, laquelle il aimoit le plus, & sans laquelle il sembloit qu’il n’eust sçeu vivre, il la caressa de ceste belle parolle : Ce beau col sera tantost coupé, si je le commande. Voilà pourquoi la plus part des tirans anciens estoient communément tués par leurs plus favoris, qui, aians congneu la nature de la tirannie, ne se pouvoient tant asseurer de la volonté du tiran comme ils se deffioient de sa puissance. Ainsi fut tué Domitian par Estienne, Commode par une de ses amies mesmes, Antonin par Macrin, &
