Mas el non o volc pendre, tan l’agro e nient !
E a fait per sa terra tost somonir sa gent,
A pe e a caval, cels que foron valent ;
Dedins a Carcassona aqui las osts atent.
Cels que a Bezers remazo ne foron tug dolent,
Anc no cug n’escapeso ni cincanta ni cent
C’om nols meta a l’espaza.
Senhor, aicesta osts fo aisi comensada
Si co avetz auzit en la gesta letrada.
Li abas de Cistel fo en la cavalgada,
Ab lui li arsevesque e manta gens letrada,
Que mais dura la rota que fan en l’albergada,
Cant van a parlament o a calc’ asemblada,
Que la ost de Mila cant es tota ajustada.
De l’autra part cavalga ab tota sa mainada
Lo pros dux de Narbona, sa senha desplegada ;
E lo coms de Nivers sa senheir’ a auzada,
E lo coms de Sant Pol am bela gent armada,
El coms P. d’Ausorre ab tota sa mainada,
El coms W. de Genoa, d’una terra asazada ;
N’Azemars de Peitieus, c’a sa terra mesclada
Al comte de Fores, qu’es soen guerrejada,
- ↑ — 266. senheir’, ms. senhen. — 266-70. Voir la note sur 170-2. — 269. terra, corr. guerra ? — 270. soen n’est pas d’une lecture certaine ;
pourrait bien avoir été imaginée par l’auteur de ce remaniement ; mais la mention d’une conférence à Montpellier entre le vicomte de Béziers et le légat est trop précise pour n’avoir pas été tirée d’un texte de G. de Tudela plus complet que le nôtre. — 253. La mention de Béziers a conduit l’auteur de la réd. en pr. à transporter ici le récit des faits qui précédèrent le sac de cette ville (v. 380-420).
