Cette page a été validée par deux contributeurs.
Pathelin.
Ouy.
Le Drappier.
Chascune aulne vous coustera
Vingt et quatre solz ?
Pathelin.
Non sera.
Vingt et quatre solz ! Saincte Dame !
Le Drappier.
Il le m’a cousté, par ceste ame !
Autant m’en fault, se vous l’avez…
Pathelin.
Dea, c’est trop.
Le Drappier.
Ha ! vous ne sçavez
Comment le drap est enchery ?
Trestout le betail est pery,
Cest yver, par la grant froidure.
Pathelin.
Vingt solz, vingt solz.
